സുനാമിയുടേയും ഓഖി ചുഴലിയുടേയും രണ്ട് പ്രളയങ്ങളുടേയും ദുരിതകാലം തരണം ചെയ്യുന്നതിന് പെൻഷനേഴ്സ് യൂണിയൻ ജനങ്ങൾക്കൊപ്പം മുൻപന്തിയിലുണ്ടായിരുന്നു. മഹത്തായ നമ്മുടെ ജീവകാരുണ്യ സേവനപാരമ്പര്യത്തിന്റെ ഭാഗമായി ഈ ദുർഘടസന്ധിയിലും ജനങ്ങളെ സഹായിക്കാൻ നമുക്ക് കഴിയണം. ആരോഗ്യവകുപ്പും സർക്കാരും ഏറ്റെടുത്തിട്ടുള്ള ജീവൻരക്ഷാപ്രവർത്തനങ്ങൾക്ക് മുഖ്യമന്ത്രിയുടെ ദുരിതാശ്വാസനിധിയിലേക്ക് സഹായമെത്തിക്കുന്നതിനുള്ള സർക്കാരിന്റെ അഭ്യർത്ഥന സുപ്രധാനമാണ്. സർക്കാർ ചുമതലപ്പെടുത്തിയ സംവിധാനങ്ങൾ വഴി മുഖ്യമന്ത്രിയുടെ ദുരിതാശ്വാസ നിധിയിലേക്ക് കഴിയുന്നത്ര നേരത്തേ ഉദാരമായ സംഭാവനകൾ നേരിട്ട് നൽകണമെന്ന് എല്ലാപെൻഷൻകാരോടും കേരളാ സ്റ്റേറ്റ് സർവീസ് പെൻഷനേഴ്സ് യൂണിയൻ സംസ്ഥാന പ്രസിഡന്റ് എൻ.സദാശിവൻനായരും ജനറൽസെക്രട്ടറി ആർ.രഘുനാഥൻനായരും അഭ്യർത്ഥിച്ചു.